[i554]

DE LA VILLE DE PARIS.

271

CCCCXCVI1. — Lettres de Monseigneur l'Archevesque de Vienne [pour lad. entrée],

5 avril i554. (A fol. 81 v°; B fol. 2g3v°.)

A Mcms^r Mons' de Cely, Prevost des Marchans. Mons',

"Monseigneur le Legat est presentement arrivé en ce lieu de Juvisi; lequel entend faire son entrée a Paris dimenche après disner, ainsi que Monseigneur le Connestable, comme il m'a dict, vous a desjà adverty, ce que mond. S^gr le Legat m'a depuis confirmé. Et pour ce, Mons^r, que led. s^r Legat entend d'aller loger samedi prochain à Sainct Jacques du Hault Pas, ainsi que ont acoustumé faire Mes-seig™ les Legatz estans receuz aud. lieu pour mesme effect, je n'ay voullu faillir vous en advertir par Mons^r de Gez, varlet de chambre ordinaire du Roy, et envoyé par led. S^gr pour faire acommoder mond.

S^gr le Legat de toutes choses; par lequel, Mons^r, vous saurez, s'il vous plaist, ce que Monseigneur le Connestable m'a commandé de vous faire entendre par luy, lequel je vous prie de voulloir croire comme moy mesmes, attendant que je vous puisse voir, qui sera dimenche, Dieu aydant.

« Cependant me recommandant humblement à vostre bonne grace, je prie le Createur, Mons', vous donner en santé bonne et longue vie.

"De Juvisy, ce v^e jour d'Avril mil v° nui.

«Vostre serviteur et affectionné amy,

L'Archevesque de Vienne -¹).»

[Et au doz desd, lettres est escript :

A Mons^r Mons^r de Cely, Prevost des Marchans.]

CCCCXCVIIL — Responce faitte par Mons' le Prevost des Marchans

AUX LETTRES DUD. S^r DE VlENNE, DONT LA TENEUR ENSUYT.

6 avril i554. (B fol. 2₉4 v°.)

Monseigneur,

"J'ai receu vostre lettre, escripte de Juvisy le v^e Avril v° uin, laquelle j'ay communiquée à mess™ mes compaignons en l'Hostel de ceste Ville. Le Roy nous avoit par cy devant adverty de l'entrée que debvoit faire Monseigeur le Legat en ceste ville samedy, qui est le jour de demain'²'; et suivant ce qu'il avoit pleu aud. Seigneur nous commander, nous avons ja faict noz préparatifs et avons dressé noz mandemens et iceulx envoyez. Touteffois, puisque le jour est remys à dimanche presentement, nous allons tout contremander à ce jour.

" Ce porteur s'en va exprès par delà pour recouvrer

le blason des armes dud. s' Legat qu'il est necessaire recouvrer promptement; autrement les brodeurs n'auroient faict d'heure, parce que ses armoiries sont fort escartelées. Il vous plaira faire expedier ced. porteur et nous advertir de ce que vous trouverez bon pour le service du Roy, et de ce que nous aurons affaire pour l'honneur dud. s^r Legat. Monseigneur ,

"Nous prirons Nostre Createur vous donner sa grace et en santé bonne vie et longue.

"A Paris, le vi⁶ jour d'Avril 1554.

"Vostre trés humble obeissant serviteur,

Christofle de Thou."

CCCCXGIX. — Les Conseillers et Quarteniers contremandez.

----- LES ARMOIRYES DUD. LeGAT.

6 avril 1554. (A fol. 81 v°.)

Après lesquelles veues, a esté contremandé ausd. Conseillers et Quarteniers que lad. entrée seroit remise à dimenche prochain, et qu'ilz eussent à venir led. jour et heure, selon les mandemens à eulx envoyez.

Ce faict, a esté ordonné à Jehan Messier, chasublier, de faire le ciel de damas blanc comme il est acoustumé. Puys ont mesd. S™ envoyé ung nommé Pierre Gilles en poste à Juvysi par devers led. s^rArchevesque de Vienne'³', pour avoir les armoyries

⁽¹⁾ Pierre Palmier, d'origine italienne, abbé de Saint-Mesmin de Micy, de Rebais, chanoine de la Sainte-Chapelle de Paris, doyen puis archevêque de Vienne (i5a8-i554). O) Voir ci-dessus art. ÇCCCXCII. (3) Au Registre : archevesque de Reims, par inadvertance du scribe.